احجيلكم قصه مختصره من الواقع
صادفت الاقدار انو يجتمع شاب ويه بنيه ع الجات الشاب حبها من كلامها واسلوبها والبنت ارتاحتله
ومرت الايام وازدادت علاقتهم طبعا مو بس بالجات صارت اتصالات بيناتهم
المهم المشكله جانت ان الشاب خريج تربيه بس البنيه ماجانت تعرف وهي طالبه طب
بعد ماكللها عن الحقيقه هي عرفت انو اهلها ماراح يقبلون وبالاضافه الى مجتمعها
بس دائما جان عدها امل لان هي مؤمنه انو الشهاده مو كلشي اهم شئ الاخلاق والحب والاحترام الي شافتهم من الشاب
مرت الايام وكال الشاب انا خطبت
طبعا انصدمت صدمه حياتها وماتعرف اش تسوي وحبيبها راح يكون لغيرها
كالتله ليش خليتني احبك وانت تعرف انك راح تتركني
كاللها انتي تعرفين نحن مو لبعض طبعا البنيه اتمنتله حياه سعيده بس هو مايقبل يتركها وهي ماتريد يخون خطيبته
المهم قرر انو يبقى وياها لي ماتتزوج بس هي تريد وماتريد وماتعرف شتسوي
سؤالي من هالقصه انو ممكن هذا الحب ينحكم من المجتمع؟؟؟؟؟؟؟
ليش نسوي حساب للمجتمع ببعض تصرفاتنا بالرغم انو نحن مقتنعين بيها؟؟؟
هل من الممكن نخلي المجتمع يتحكم بينا؟؟
ليش ندور ع الشئ الي يرضي المجتمع وبس؟؟؟
انا مو بس دحجي ع هالقصه وانما اي شئ ممكن يكون المجتمع جزء منه
اتمنى اشوف ارائكم واعذروني اذا طولت